TIGed

Switch headers Switch to TIGweb.org

Are you an TIG Member?
Click here to switch to TIGweb.org

HomeHomeExpress YourselfPanoramaفتوش النكبة
Panorama
a TakingITGlobal online publication
Search



(Advanced Search)

Panorama Home
Issue Archive
Current Issue
Next Issue
Featured Writer
TIG Magazine
Writings
Opinion
Interview
Short Story
Poetry
Experiences
My Content
Edit
Submit
Guidelines
فتوش النكبة
Printable Version PRINTABLE VERSION
by عبد الحميد عبد العاطي , Palestine May 6, 2009
Culture , Peace & Conflict   Poetry

  

فتوش النكبة
من يوم ما وعيت
وأنت بتحكيلي.. كشيخ
عن ترابنا وعاداتنا..
أكلاتكم وأكلاتنا
عن البصارة والفول
وحَب البصل المفحول
عن قعدتكم تحت الشجرة
ورغيف خبز بتقسم لعشرة
عن موسم الزيت والزيتون
وكيف المغني و اليرغول
عن أعراسنا وليالينا ما يحول
ودربكة على دلعونة
وسقا الله نعاود يا مزيونة
عن حلاق مطاهر ومداوي
عن غرفة طين وذياب بتواوي
عن حمارة فلتت
ولحقتها الحارة
ولما رجعوا ما لقوا إلا الختيارة
عن البساطة والجود
عن دار الكتاب
والخيمة الزرقا
والبحر والسمك المخدود
عن باص يتيم بطيركم
من عكا ليافا للسدود
يا شيخ ..
زهقت الحكي
وكثر القيل والقال
زهقت كلمة أيام البلاد
أنا وقت الهجرة عشت
أنا وقت الهجرة ما كنت بس سمعت
وعن واحد ثاني بقول :
كنت لساتني بحضن أمي
لكن دموعها منقوشة بتمي
يا جدي : أنا راح احكيلك واحكيلك
حتى تسبق أولاد جيلك
وتصير عالم بالتاريخ
وتذوق القصة لغيرك
يا جدي:أنا بعرضك دخليك
لا بدي ترويلى ولا ارويلك
وديني على بلادي
على يـبـنـــــا مايو فوادي
وديني ..
عكروم العنب والنكبة
على بير الميا العكرة
واتركني غريب
و لا تسال عليا
يا جدي : بخاف عليك
يا جدي.. يا جدي
ما تخاف ...
راح تعرفني جبالها .. وسهولها.. وديانها
راح تعرفني زهورها وطيورها وغزلانها
راح تعرفني صخورها وجحورها ورمالها
وخطاك يا جدي متزوجة الأرض ..
أنسيت ...!؟
غير أولادك ما بحلالها
يا جدي: اليهود معمرين فيها
والطريق عليها عيون مفتحة
من حواجز وأسلاك
والشجر كله بتكلم
ما بتعرف مين معهم ومين معاك
يا جدي: حطني بعلبة كبريت
وبجيب الصدر خبيني
واطلع قبل الشمس
ومن فوق الليل وارميني
يا جدي: شو بتقول ..
كلامك مش معقول ...!!
يا جدي: بدى أشوفها
بدى أكحل حنيني بكفوفها
بدي لو مرة أبوس قطوفها
يا جدي: اخ .. اخ ولو بقدر ...
يا جدي:طيب ليش بتحكيلي
يا جدي: عشان تكبر وهي فيك
وتعمر بأشعارك وأغانيك
يا جدي: بس عشان هيك
عشان يقولوا ما انسينا
لا يا جدي .. لا يا جدي
بيارتنا اللى بوادي الحمام
ما بترجع بالكلام
ولا بقصة ألف ليلة وليلة
ولا بترجع بالسلام
ولا بترجع بمفتاح مخبى
ولا حتى بجيوش الأنام
هدول مثل الأنعام
يا جدي: كيف بترجع الأوطان..؟!!
يا جدي : فلسطين بترجع بس ...
إذا الوحدة والإرادة سبقتنا
إذا كنا اثنين بواحد
والصدق والحب عملتنا
ويا جدي: فتوش النكبة شلفطتنا
و اللي مش قادر... ما يأكل بصفرتنا







 1     


Tags

You must be logged in to add tags.

Writer Profile
عبد الحميد عبد العاطي


عبد الحميد عبد العاطي كاتب وشاعر فلسطيني شاب من غزة عمري 24 عاما اكتب فى كافة المواقع الالكترونية والجرائد الموزعة على القطاع .
لى مدونة شخصية اعرض بها كل ما اكتب عن معاناة الشعب الفلسطينية وعن معاناة الامة العربية .
ونسيت ان اخبركم اننى قد انهيت تعلمى الدارسى ولقد حصلت على دبلوم سيكودراما فى العلاج المسرحى والان انا اقوم بالعمل فى هذا المجال واسعى ايضا لاصدار اول مجموعة شعرية من الشعر الساخر .
هذا رابط مدونتى
http://abedalati.blogspot.com/
Comments


لن ننسي الفتوش
Adham Tobail | May 10th, 2009
شو هل الكلمات الحلوة عبد الحميد والله فنان، ويجب على التاريخ ليعيد نفسه، ولن ننسي الفتوش عبد الحميد لانها هي الارض والتاريخ



Adham Tobail | May 10th, 2009
راح تعرفني فلسطين ارضها وجبالها وسهولها ادهم



كلمات من القلب
heba alagha | May 18th, 2009
بالتوفيق أخ عبد الحميد، كلمات من صميم التنهيد .. hebalagha.maktoobblog.com regards



Adham Tobail | Jun 22nd, 2009
هيك حالنا عبد الحميد الي الامام يا صانع الكلمات ادهم



Wiaam Youssef | Jun 28th, 2009
روعـــــــــــــــــــــــة ... ما بتخيل في حد قراها وما حبها .. من القلب للورق و السرد يجري بإنسيابية ألوان الحياة على لوحة القدر..

You must be a TakingITGlobal member to post a comment. Sign up for free or login.